Amsterdam, Hulanda:
Douane Hulandes a confisca 14 yate cu ta pertenece na Rusianonan miyonario. Asina Minister Hoekstra di Asuntonan Externo Hulandes a informa. E 14 yate nan aki tabata na un compania cu ta specialisa den construcion di yate na Hulanda.
E 14 yatenan aki ta pertenece na miyonarionan ta Rusiano. Por lo pronto e 14 yatenan super luhoso aki, no mag di sali for di Hulanda pa motibo di e sancionnan cu tin contra Rusia, presidente Vladimir Poetin y e comerciantenan miyonario cu ta sostiendo Poetin.
Ademas di a confisca e yatenan, Hulanda a vries 516 miyon euro na assets y tambe a blokea 155 miyon na transacionnan.
Tambe douane ta controlando tur carga cu sali for di Hulanda destina pa Rusia, esaki relaciona cu e sancionnan cu tin contra Rusia, como 30 mil containers cu tabata destina pa Rusia y Belarus a wordo para na caminda y completamente controla.
Na mayoria di paisnan na Europa, yatenan y assetsnan di Rusianonan a wordo confisca, tambe transacionnan di miyonarionan Rusiano a wordo blokea. Recientemente na Spaña un Super yate construi na Hulanda, cu ta pertenece na un Rusiano biyonario a wordo confisca.
Mientras cu e guera ta sigui na Ucraina, lo sigui confisca, vries assetsnan, blokea transactionnan etc. di Rusianonan miyonario cu ta sosteniendo e presidente di Russia.