Recientemente, BRA, Bureau Rampenbestrijding Aruba, a ricibi donacion di 5 tent for di IOM. Esaki den cuadro di e campaña di vacunacion actual cu e Mobile-Unit di BRA ta activo den e diferente barionan.
Entrega di e donacion aki a tuma lugar na oficina di BRA. Aki a set up e 5 tentnan cu e logonan di tanto BRA como IOM como muestra di e cooperacion y colaboracion existente.
Un di metanan di BRA ta pa logra haya material necesario pa porta prepara pa atende cu crisisnan den futuro y danki na IOM, awor BRA ta conta cu 5 tent.
Donacion di IOM:
Desde 2019, International Organization for Migration (IOM) ta estableci na Aruba como NGO y un partner internacional cu ta trahando cu diferente organisacion / instancia local, incluyendo BRA cu asistencia y colaboracion riba diferente tereno.
Sra. Sandra Peña, Project Coordinator y demas representantenan di IOM aki na Aruba a haci entrega oficial na Sr. Rino Hermans, Director di BRA y su team, un set di 5 tent pa e Mobile-Unit di BRA.
Un di e metanan pa cu e sosten di parti di IOM ta pa fortalece e capacidad pa mehora e acceso n’e unidad mobil pa vacunacion. E tentnan lo brinda un espacio di espera mas comfortable y esaki lo permiti pa por yega mas cerca di tur residentenan, sin distinccion, pa haya aceso pa e servicio sea pa motibo di falta di recurso di transporte of cu no a ricibi e informacion tocante e campaña di vacunacion of cualkier otro motibo.
Campaña di vacunacion den bario:
Manera nos por mira den e ultimo simannan e Mobile-Unit di BRA ta staciona den diferente barionnan di Aruba den cuadro di vacunacion. Di a forma aki ta brinda e oportunidad na tur persona cu ta biba riba Aruba pa ricibi na vacuna.
Uso den futuro:
Cu e material di 5 tentnan aki lo keda sigui wordo uza durante e proximo actividad/campaña di salud-prevencion-concientisacion etc caminda cu e Mobile-Unit di BRA ta operational. Pero esaki tambe por wordo uza den momento cu un crisis presenta y lo tin mester di na uzo imediatamente.
Bureau Rampenbestrijding Aruba un biaha mas ta gradici IOM pa nan aporta pa asina hunto por sigui traha na bienestar di e comunidad di Aruba completo.
