Pueblo di pariba di brug (gran parti di e poblacion di pais Aruba), despues di 35 aña di un economia den spiral negativo…di a perde over di 800 famia…cu e porcentahe mas halto di problemanan social di e isla…declara oficialmente e sector mas pober di Aruba…
Finalmente ta logra un inversionista pa traha nos prome hotel “pariba di brug”cu lo fungi manera catalizador
Esaki a trece caba:
- Cu Gobierno tin atencion pa “pariba di brug” mester adapta Pariba di brug na un sector turístico manteniendo nos identidad autentico.
- Projecto Serena (Rodger’s Beach) a worde cumpra y lo ta pronto den construcion
- Shumarucu Real Estate cla pa converti ex Esso Club na un boutique hotel.
- Grupo Giannis cu projecto di boutique hotel cerca di Secrets.
- Interes nan serio di invercionista local & international pa establece y habri negoshinan nobo pariba di brug…
E posibilidad pa pueblo traha mas cerca di nan cas, nan famia, ta yuda e economía di pariba; e aumento di tempo familiar lo trece cambio positivo di nos situacion social.
Awe, tur esaki ta na peliger pa un grupo minoritario cu ta considera nan agenda personal mas importante cu e beneficio di henter un población, pa colmo ta logra convence un grupo asina serio manera Parke Nacional Arikok pa apoya nan.
Si nos papia di daño na medio ambiente, lo mester evalua serio y legalmente e projecto y monsternan di hotel cu ta coba, destrui (fauna y flora) pabou di brug.
Pueblo di pariba di brug, grupo nan uni di pariba di brug “Pariba Aliance” ta preparando un accion pa pidi Gobierno y tur otro autoridad concerni…pa no permiti e atentado aki contra e futuro di nos distrito.