Oranjestad, Aruba -16 di februari, 2022- Aruba Bank ta yama tur cliente di CIBC FirstCaribbean Aruba bon bini!
Recientemente tur cliente nobo a ricibi un carta di invitacion pa pasa buska nan “Welcome Package” na e sucursal di Aruba Bank na HATO.
Clientenan ta masha contento y a expresa nan prome encuentro como un hopi agradabel y positivo.
Aruba Bank su mision ta pa provee servicio bancario superior y innovativo, traha na midi pa cumpli cu e necesidadnan di e clientenan di un manera cu ta efectivo den costo, usando tecnologia y e habilidadnan di un cuadro di empleado altamente entrena y motiva.
Aruba Bank ta recorda tur cliente cu por pasa buska nan “Welcome Package” na e sucural di Aruba Bank na HATO, na e CIBC Service Desk, te cu diabierna 25 di februari 2022. Lo tin servicio adicional, pa clientenan nobo cu ta bin for di CIBC FirstCaribbean Aruba, ariba diasabra 19 di februari 2022, di 8:00 AM-1:00PM.