Cancun, Quintana Roo, Mexico:
Na un hotel luhoso un poco pafo di Playa del Carmen, dos persona di nacionalidad Canades a perde nan bida durante un tiramento, un di tres persona a keda herida.
Autoridad ainda no a logra pone man riba e sospechoso, asina e chef di Polis di Quintana Roo, a duna di conoce. Diabierna den careda di 2’or di merdia, lo a surgi un discussion entre algun huesped di e hotel y segun camaranan di seguridad por a mira un homber cu un arma di candela den su man y esaki lo a los algun tiro cu concuencianan fatal. E chef di polis ta pidiendo e pueblo, si nan por tin mas informacion of a mira of sa ken e persona aki ta, pa yudanan cu e informacionnan necesario pa asina por yega na aresta e sospechoso aki. E homber despues di e tiramento e la huy for di e sitio via un mondi basta cera den cercania di e hotel.
Segun autoridad Canades, ambos victima tin antecendentenan penal. Nan tabata envolvi den casonan di ladronicia, falsificacion di I.D. cards, droga y arma. E consulado Canades no kier a duna comentario of reacion referente e tiramento cu a costa bida di dos Canades.
Mexico ta un pais cu pa hopi aña ta wordo terorisa pa violencia relaciona cu droga y e areanan turistico no ta un excepcion. Na November 2021, dos traficado di droga den un tiramento a perde nan bida riba beach cerca di un hotel na Cancun. Na oktober ultimo tambe tabata a sosode un tiramento entre drugdealersnan y den e tiramento aki dos turista a perde nan bida na Tulum, un beach turistico den e area aki.
