Home Local Manifestacion di e gruponan di sindicato, den nan lucha di 12.6%

Manifestacion di e gruponan di sindicato, den nan lucha di 12.6%

SHARE

Oranjestad: Dialuna for di 7’or di mainta por a mira un cantidad di persona cu a cuminsa aglomera riba Linnearpark. Esaki tabata e manifestacion di e gruponan sindical cu ta luchando pa haya e total di 12.6% cu temporalmente Gobierno ta retene di nan salario, e 5 % mensualmente y e resto di 7.5% cu ta wordo kita di e beneficionan di entre otro back to school premie, gelijkbedrag y vakantiegeld.

Ora tur e gruponan sindical a yega na Linnaerpark, bou musica nan a cana/baila bay direccion di Parlamento. Na yegada na Parlamento, e presidente di Parlamento a baha topa e manifestantenan, algun tabata mane basta hostina y a trata na drenta den Parlamento. Net na e momento ey tabata tin un reunion tumando lugar, presidente di Parlamento a schors e reunion y a baha bay topa e sindicatonan.

Despues nan a bay rumbo Bestuurskantoor, aki Prome Minister Evelyn Wever Croes a invita e lidernan sindical pa drenta paden y asina sinta na mesa pa por delibera. Despues di e reunion aki, e sindicatonan a retira y tur miembro a bay bek na nan trabou.

E retencion di 12.5% ta di e entrada annual di e empleadonan publico, e desicion aki tabata djis pa yuda Aruba den e crisis cu e pandemia a hinca nos isla aden. E esaki tabata pa entre otro yuda paga Fase y Loonsubsidie. Desde cu Hulanda a exigi pa para e ayudonan Financiero di Fase y Loonsubisidie, e gruponan di sindical a cuminsa lanta nan miembronan pa exigi Gobierno pa para e 5 % cu tur luna ta wordo kita di nan salario y tambe e resto cu a wordo retene di Gelijkbedrag, back to school premie, Vakantiegeld etc. Dus un total di 12.6% pa aña.

Prome Minister a splica bon cla cu e intencion y huridicamente no por tampoco pa keda retene e 12.6% pa hopi largo, esaki ta algo temporal, cu mas sigur otro anja lo baha esaki y pa e siguiente anja par’e completamente.

E manifestacion di awemainta tabata mas grandi cu esun anterior, ta wordo calcula entre 400 pa 500 hende, polis a cera caminda y despues cu e manifestacion a caba, nan a habri e caminda bek.