Home Dutch Kingdom Kuerpo Polisial di Korsou: Kaso di tiramentu ku morto.

Kuerpo Polisial di Korsou: Kaso di tiramentu ku morto.

SHARE

Willemstad, Korsou: Djamars 12 di òktober 2021 alrededor di 09.51’or, Sentral di Polis a haña informashon di un habitante ku e la tende zonido i dalmentu di porta di outo den e área di Tera Kòrá i a nota ku tin un vehíkulo para mei mei di kaminda.

Mesora a dirigí unidat polisial na e sitio kaminda nan a haña un SUV ku un persona di sekso maskulino aden i e tabatin herida di bala.

Personal di ambulans ku a presentá na e sitio no por a hasi nada mas pa e víktima i alrededor di 11.40’or dòkter di polis a konstatá morto di e hòmber Ramon E. Melendez Requena, nasé na Kòrsou, 21 yanüari 1992.

Riba òrdu di fiskal di Ministerio Públiko a konfiská e kurpa sin bida. Investigashon den e kaso aki ta kontinuá.