Home Sports Impact Taekwondo Aruba a organisa examen pa 5 atleta

Impact Taekwondo Aruba a organisa examen pa 5 atleta

SHARE
 
 
Impact Taekwondo Aruba bou guia di Monica Pimentel, Aruba su atleta Olimpico Rio 2016 a organisa examen pa faha cora y preto.
 
Grand Master Sra. Marilu de Veer tabata e examinator di examen pa e 5 atletanan: Kianna Krosendijk, Isabella Bogevad, Deevah Loefstop, Anabella Fernandez y Ingomar Jacobs. Examen di faha cora ta un tiki mas suave cu esun di faha preto. Examen ta consisti di: Tecnica, Forma “Poomsee”, Teoria, Kibra Palo, 1-Step, Self Defence y Sparring.
 
Kianna Krosendijk y Isabella Bogevad a haci examen pa faha cora, mientras cu Deevah Loefstop, Anabella Fernandez y Ingomar Jacobs a haci examen pa faha preto.
Examen a dura casi 3 ora, mirando cu e atletanan mester a demonstra dilanti Sra. Master Marilu de Veer tur locual nan a siña for di nan Master Monica Pimentel durante e periodo di Covid.