Home » Ultimo aviso tocante Aruba Summer Karate Championship 2021 cu ta tuma luga diasabra 10 di juli 2021

Ultimo aviso tocante Aruba Summer Karate Championship 2021 cu ta tuma luga diasabra 10 di juli 2021

by Admin
0 comment 74 views

Oranjestad:
Cu hopi placer directiva di Aruba Karate Bond (AKB), bou presidencia di “Sensei” Felix Tromp, ta invita tur karateka miembro y no miembro pa participa na e campeonato “Aruba Summer Karate Championship 2021” cual ta tuma riba diasabra 10 di juli na Compleho Deportivo Frans Figaroa na Noord pa 10or di mainta.

Participacion
Participacion pa miembro di Aruba Karate Bond (AKB) ta 15 florin. Igual prijs ta conta pa scolnan cu no ta miembro. Interesadonan pa participa na “Aruba Summer Karate Championship 2021” ta wordo cordialmente invita pa pre-registra. Manera ta custumber, esaki ta sosode via e instructor di e scol kende ta manda un email cu e lista di e participantenan pa Aruba Karata Bond na [email protected]
En conexion cu e categorisacion di participantenan, nos ta pidi pa menciona nomber di scol di karate, nomber di e karatekanan, nan edad y grado (kyu). Registracion (via [email protected]) ta posibel awor te cu diamars 6 di juli 2021.

Importante!
Tuma nota cu riba diasabra 10 di juli (esta dia di e campeonato) no ta posibel pa registra ningun karateka mas. Aruba Karate Bond ta aplica e reglanan di World Karate Federation durante e campeonato aki y ta pidi tur instructor pa tene bon cuenta cu esaki (incluyendo e hecho cu e instructornan di e karatekanan participando na e “Aruba Summer Karate Championship 2021” mester ta presente na e campeonato).
Invitacion
Ta invita mayornan, famia y amigonan pa bin apoya nos karatekanan y asina contribui na e formacion di nos muchanan. Entrada general ta solamente 1 florin. “Aruba Summer Karate Championship 2021” ta wordo realisa cu ayudo di Stichting Sportsubsidie Aruba, Fundacion Lotto pa Deporte, Aruba Sport Unie y Comite Olimpico Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio