Home Local Entrante 27 juni 2021: Pasaheronan cu ta residente di Aruba y cu...

Entrante 27 juni 2021: Pasaheronan cu ta residente di Aruba y cu a vacuna den exterior por wordo exonera di haci un PCR test pa drenta Aruba ora di regresa di exterior

SHARE

Entrante 27 juni 2021, pasaheronan cu ta residente di Aruba y cu a vacuna den exterior por wordo exonera di haci un PCR test pa drenta Aruba ora di regreso for di exterior.

Esaki ta aplicabel solamente pa pasaheronan cu ta cumpli cu e siguiente puntonan:

– Ta residente di Aruba;

– Completamente vacuna den exterior y mas cu 14 dia pasa;

– Vacuna cu marca di vacuna acepta pa DVG (a base di lista di FDA/EMA);

– Tin aprobacion pa di DVG

Pasaheronan lo mester bishita e website di DVG (www.dvg.aw) por lo menos 14 dia prome cu nan regresa Aruba pa asina yena un formulario, upload nan certificado di vacuna y traha un cita cu un personeel di DVG. DVG lo controla y confirma na e pasahero via un email si e certificado ta acepta. Riba e ‘homepage’ di dvg.aw mester click riba “valida vacuna exterior” y yena e formulario. E ta necesario pa por prueba cu bo persona ta registra na Aruba.

Pasajeronan cu a wordo aproba door di DVG cu ta desea di haci uso di e posibilidad aki tin cu indica esaki ora di registra riba e online ED system (www.edcardaruba.aw). E online ED system tin cu wordo yena dentro di 72 ora prome cu e viaje di regreso pa Aruba. Ta recorda e pasaheronan aki pa durante nan yegada na Aruba pa tin un hard copy di nan certificado di vacunacion.