Home » PROME MINISTER A BISHITA HOSPITAL PA GRADICI STAFF PA NAN SERVICIO

PROME MINISTER A BISHITA HOSPITAL PA GRADICI STAFF PA NAN SERVICIO

by Admin
0 comment 146 views

 

“Danki na Hospital cu a sigui atende cu cuido pa asina Gobierno por a flexibilisa e medidanan mas trempan na Aruba

 

Recientemente Prome Minister sra. Evelyn Wever – Croes acompaña pa Minister di Salubridad Dangui Oduber a bishita Hospital pa asina por gradici tur e trahadonan cu durante di pandemia a haci un trabou sublime den cuido. Premier Wever – Croes a haya un recorido mescos cu un pashent cu COVID-19 lo haya pues a pasa na emergencia y despues na sala B3 cual ta e sala cu pashentnan cu COVID-19 tabata bay y despues tambe a pasa cuido intensivo. Prome Minister a combersa cu e staff di hospital y na e ocasion a gradici nan personalmente pa e trabou importante cu nan a haci. 

 

“Danki na e hecho cu Hospital por a sigui atende cu cuido, Gobierno por a cuminsa flexibilisa e medidanan mas trempan na Aruba. Esey a yuda pa maneha e pandemia cu awe ta pone nos ya caba den e fase di recuperacion”.

 

Aruba ya caba ta mirando recuperacion di 55% di turismo cual ta algo hopi bon y mester remarca cu paisnan den region no ta yegando na un recuperacion asina halto. Pues segun Prome Minister, tur esaki ta contribui cu Aruba lo sali di e crisis aki mas lihe. 

 

Por ultimo Prome Minister Wever – Croes a expresa cu di curason ta hopi agradecido na tur frontliners especialmente esnan den cuido y esnan cu a mantene orden publico. “A mira cu na hospital a traha cu alma y cuerpo cual ta pone mi sinti orguyoso di ta un Arubiano y di lidera e pais aki”, Premier Wever – Croes a finalisa bisando.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio