Oranjestad – Diadomingo pasa di mey anochi despues di hopi simannan keto, varios patruya mester a acudi un biaha mas na Linear Park. Mester añadi cu polis prome cu e la bay Linear Park, e mester a pasa parti pafo di otro 2 establecimiento conoci unda lo tawata tin bringamento.
Tawata pasa di 12’or di anochi, unda cu 11’or ta orario di ciere/sluitingstijd y caya si ta bon pa e ora eynan lo mester tawata basta trankilo.
Pero esaki a resulta tur lo contrario.
Manera ta conoci Aruba mester a bay bek bou TDQ cu a dura por lo menos 6 luna, y weekend aki tawata e prome weekend ban pone asina di “freedom” y a sali goza e anochi. Cuminsamento di siman Gobierno di Aruba a anuncia cu TDQ a wordo elimina y manera tur parti di Mundo hendenan ta bira contento.
Nos por a mira algun establecimiento cu sa cu e orario di ciere a keda 11’or toch tawata pusha nan suerte y keda habri un tiki mas laat toch.
Linear Park ta e dolor di cabes di Cuerpo Policial tur weekend, e weekend aki mes lo tawata tin bringamento unda cu nos a compronde machete a wordo saca. Na yegada di polis esnan envolvi ya lo a move.
Nos ta papiando aki di 12’or pasa, pues un ora despues cu e luganan eynan a cera.
Aki por mira cu e establecimientonan na Linear Park ta cera 11’or, pero manera semper ta keda un grupo grandi ta bebe y toca radio duro di nan auto causando molester y di un ta bin e otro.
60 y algo mil habitante a vacuna, entre e grupo aki tin cu a tuma solamente e prome vacuna.
Pues nos mester ta conciente cu eyfonan tin un grupo grandi canando rond y exponiendo nan mes y tambe nan sernan keri na e virus mortal di Covid-19. Y si bo kier pa tur cos bay bek “normal” lo ta bon pabo papia cu bo Huisarts y lage splicabo tocante e vacuna.
E virus tey y e no a bay, dus sea conciente proteha bo mes y bo famia.
No laga ni abo of bo sernan stima bira un number di statistieken.
