Home Dutch Kingdom Dutch Caribbean Nature Alliance ta produci Manual di Response pa Desaster Natural...

Dutch Caribbean Nature Alliance ta produci Manual di Response pa Desaster Natural pa e areanan protegi di Caribe Hulandes

SHARE

The Dutch Caribbean Nature Alliance (Aliansa di Naturalesa di Caribe Hulandes) a publica recientemente su Disaster Risk Mitigation Manual (Manual pa Mengua Riesgo di Desaster) cu lo wordo uza door di e Organisacionnan di Maneho di Parke pa mengua e impactonan di desaster relaciona cu mal tempo den e areanan di naturalesa cu ta protegi. E Manual, desaroya door di e contratistanan Nature2 y Parks Work, ta resultado di e experiencianan cu e Organisacionnan di Maneho di Parke na Saba, St. Eustatius y St. Maarten a adkeri durante e temporada desastroso di horcan na 2017.

A produci e Manual di Response pa Desaster Natural aki pa e islanan di Caribe Hulandes Saba, St. Eustatius y St. Maarten despues cu e islanan a wordo azota fuertemente door di e horcannan Irma y Maria na aña 2017. E manual aki ta basa pa gran parti riba e experiencianan di e Organisacionnan di Maneho di Parke Sint Maarten Nature Foundation, Saba Conservation Foundation y STENAPA St. Eustatius, y tin como obhetivo pa brinda herment necesario pa reacciona eficazmente riba e desasternan natural den termino di preparacion, respons y restauracion. E financiamento pa e manual ta forma parti di e ayudo financiero di emergencia cu Trust Fund di DCNA, SCF y STENAPA a otorga na Nature Foundation, como reaccion riba e temporada di horcan di 2017.

E Manual ta brinda guia con pa anda na manera eficaz cu horcan y evento climatico severo desde un perspectiva di maneho di recurso natural. E administradonan a identifica e necesidad di protocol di respons pa evento similar, como e fluencia di sargazo y di e pandemianan, y a laga espacio pa inclui dicho protocolnan adicional. E Manual ta actua como un herment pa yuda e administradonan y personal di e parke cu e maneho di desaster, preparacion, respons y recuperacion di desaster. E contenido ta inclui detaye tocante planificacion y preparacion ora di un mal tempo severo, di evaluacion di e impacto riba fuentenan auxiliar di naturalesa y con pa anda cu respons, recuperacion y restauracion.

“E manual aki lo aumenta enormemente e capacidad di respons di Nature Foundation, Saba Conservation Foundation y STENAPA St. Eustatius pa reacciona den caso di desaster natural. Incluso saliendo di mi propio experiencia personal di prome, durante y despues di horcan Irma y Maria y e forma cu Fundacion Nature a reacciona, esaki ta un herment fundamental pa garantisa un respons adecuado, segura y structura, tambe den termino di brinda apoyo financiero y di capacidad necesario na e organisacionnan den ausencia di un structura gubernamental despues di un tormenta pisata”, tabata comentario di ex-gerente di Fundacion Sint Maarten Nature y actual director di Dutch Caribbean Nature Alliance señor Tadzio Bervoets.