Home International Pareha rasista condena na 35 aña di castigo di prison. Durante un...

Pareha rasista condena na 35 aña di castigo di prison. Durante un fiesta di mucha, nan a ataca y menasa tur hende di color cu tabata presente

SHARE

 E pareha Mericano a keda condena cu en total 35 aña di castigo di prison, pa motibo cu nan a cana kibra den un fiesta di hacimento di aña di un criatura di 8 aña, e pareha a cuminsa ataca e famia y tur e invitadonan den un forma hopi descriminatorio y rasista, te hasta menasa di morto a cay. 

Douglasville in Georgia: Na 2015 e pareha rasista cu arma di candela den nan poder a cana kibra na un fiesta di un mucha homber color scur  cu a cumpli 8 aña. Na e fiesta tabata presente famia y amigonan di e criatura.

E pareha den un forma hopi  baho a ataca, esnan presente cu palabranan hopi discriminatorio, rasista y a menasanan cu morto. Nan tabata tin no solamente arma di candela den nan poder, pero nan a drenta cu confederate Flags tambe. Mustrando cu ta un acto serio di rasismo.

E pareha Torres y Norten a wordo haya culpabel pa nan actonan rasista y pa menasa tur esnan presente na e fiesta cu morto, incluyendo varios mucha. Mientras nan tabata pasa zwaai cu confederate flags.

Jose Ismael Torres(26) a keda sentencia cu 20 aña di castigo di prison y su pareha Kayla Rae Norton (25) a keda condena cu 15 aña di castigo di prison. Durante tratamento di nan caso den Corte ambos mester a yora varios biaha y a bisa cu nan tin hopi duele di locual nan a haci cu e hendenan.