Cunucu Abou – Diasabra anochi den careda di 7:45 p.m polis a haya informacion cu un taxi a dal contra un muraya di cas den e bocht pa bay Madam Jeanette/ Blue Village.
Na yegada polis a topa un TX 450 Kia Carnival hinca den cura di e cas, di e manera ey destrosando cura di e cas completamente. Version di e taxista tawata cu un pick up lo a haci un maniobra straño den e bocht causando cu e la perde control y bay dal contra cura di e cas.
Polisnan a puntra e taxista si e ta desea asistencia di Paramedico pero e no tawata desea esey. Ambulance a presenta si pa duna asistencia na un dama bibando na e cas cu a bira malo door di e susto.
Despues di algun rato e taxista a pense bon y laga su mes wordo controla pa Paramediconan na e sitio.
Daño material na e auto ta considerabel y tambe na cura di e cas, pues dos gasta basta grandi.
