Durante entrada hudicial pa detene persona cu a mensasa hende a bin haya tambe cantidad grandi di droga

Recherche di Oranjestad den weekend a detene un hende homber di inisialnan E.P. Pa menasa. Por sierto un keho cu a wordo entrega contra e persona na 2020 y ministerio publico a haya cu tin suficiente base pa autorisa recherche di Oranjestad pa bay detene e persona aki. Na momento cu a bay hasi e entrada hudicial na cas di e persona aki situa na Tanki Leendert a encontra den un freezer na e cas aki un cantidad basta grandi di marihuana y cocaina. E droga aki a wordo confisca pendiente di mas investigación.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.