Home History of Aruba Historia di Aruba: 2 Januari, algun sucedido cu a pasa riba un...

Historia di Aruba: 2 Januari, algun sucedido cu a pasa riba un dia manera awe na Aruba

SHARE

2 januari 1975: Un hobencito di 15 aña a haya kemaduranan di segundo grado.
Un hobencito a bay cumpra gasolin na e gasstation na San Nicolas y na momento cu e tabata yenando e gasolin, gasolin a basha riba su paña y riba su curpa. Ela subi den auto y a lubida cu su paña y barica tabata sushi na gasolin.  Un rato despues e la e la bay cende un swafel y a pega su paña y curpa na candela. E la wordo hiba hospital, cu kemaduranan di segundo grado. afortunadamente su situacion no tabata asina critico.

2 januari 1977: Polis a detene un homber cu tabata tin un yabi pa habri tur slotmachine den casino.

E sospechoso a wordo gara den un casino na momento cu cada biaha e pasa na un jackpot, e tabata baha e machinenan aki. E empleadonan di casino no a confia esaki  y despues di a bay tira un bon bista riba dje, nan a  bin ripara cu e tabata tin un yabi special den su poder cu e por a habri tur slotmachine. Mesora a bati alarma y e la keda deteni pa polis pa mas investigacion.

02 januari 1979: Señora di 72 aña a wordo atraca y severamente maltrata

Na Santa cruz, pa un señora di 72 aña, aña nobo no a cuminsa mucho bon. Riba di dos dia di aña 1979, e la bira victima di atraco y maltrato den su mesun cas. Un Homber di 38 aña a bati e señora y a lage herida cu lipnan hincha y un kap basta grandi banda di su orea robes. E agressor tabata bou influencia y keda deteni y cera pa mas investigacion.

02 di januari 1982: Chauffeur sin rijbewijs ta dal frontal contra un auto, 5 persona herida y un persona ta fayece.
Diasabra, 02 di januari den careda di 4’or di atardi a sosode un accidente fatal riba e caminda principal di Airport pa Oranjestad, na altura di “Rotonde Las Americas”, e tempo ey, e tabata wordo yama “Rotonde di Kennedy school”. Un hoben sin rijbewijs manehando un auto mericano grandi pa un of otro motibo a hala na su banda robes di caminda, net na momento cu di trafico contrario tabata biniendo un auto di famia chikito, den e auto tabata tin un pareha grandi di edad y cuater mucha chikito sinta patras. E dama chauffeur di e auto di famia, no por a haci nada ma evita e impacto. E impacto tabata demasiado fuerte cu e chauffeur, Señora Martha Lo Britten (63) a fayece mesora na e sitio. Brandweer a dura como 45 minuut pa por a caba di corta e auto y saca e curpa di e victima.

E casa tambe a keda gravemente herida cu hopi sla na cabes y a perde un wowo. E 4 muchanan tambe a keda herida cu varios wesonan fractura y herida tur a wordo transporta cu urgencia pa hospital.