Pfizer ta bisa cu su vacuna ta 90% efectivo

E speransa ta reina, cu un vacuna contra Covid lo ta obtenibel pronto, mirando cu analysis a mustra cu e vacuna produci pa Pfizer/BioNTech ta 90% efectivo den proteccion contra transmision di e virus den pruebanan ariba nivel mundial.
E vacuna a traha mucho mas miho cu expertonan a spera, segun analysis, y por premira un posibel final di e pandemia cu a mata mas di un miyon hende, a destrui economia y a stroba e bida diario mundialmente.
E informacion a surgi for di un analysis y e pruebanan lo continua te cu december, pero e resultadonan tawata emphatico. Reguladornan ta purbando di haya un licensia di emergencia pa aplica e vacuna rapidamente.
Balor di accionnan a subi mundialmente te na nivel record pa motibo di e news aki, mientras cu companianan cu a haya un boost door di e pandemia, manera Zoom y sistemanan di entrega di cuminda, a mira un caida den e balor di nan accionnan.
John Bell, profesor di medicina na Oxford University, kende ta envolvi den e produccion di e vacuna di Oxford, a bisa cu Pfizer su team a demostra “un nivel impresionante di eficacia” y cu esaki por nifica un regreso na normalidad durante e siguiente primavera. “Ami ta e prome hende pa bisa esaki, y mi ta bise cu bastante confiansa” el a bisa BBC.
Produccion ta na caminda caba. Pfizer a bisa cu nan ta spera di por suministra mundo cu mas o menos 50 miyon dosis na 2020 y te cu 1.3 biyon di dosis na 2021. Paisnan mes lo dicidi kendenan tin prioridad ora ta trata di suministro di e vacuna. Na Reino Unido e comite encarga cu vacunacion y imunisacion a recomenda pa e prome vacunanan bai pa esnan cu ta traha den casnan di cuido y nan residentenan, sigui pa cualkier persona mayor di 80 aña y otro trahadornan den areanan social y di salud. Despues di esaki hendenan lo bin na remarke den secuencia di edad mas halto pa mas joven.