Amazon, Facebook, Apple y Google a raporta benta y ganashi for di 3 luna pasa te cu 3 di september y tur tawata tin algo en comun, nan crecemento ta parce di ta non-stop.
Amazon
Amazon ta sigui como e ganador mayoritario di e pandemia.
Benta a subi te na $96.1 biyon den e tres lunanan te cu 30 di septemner. Un crecemento di 37% compara cu e mesun periodo na 2019. Ganashi a subi na un record di $6.3 biyon, casi tres biaha e total di aña pasa.
E subida ta debi na su negoshi e-commerce na Norte America, door cu famianan a bai haci mas uzo di online shopping. Pero e compania su advertising y cloud computing business tambe a mira ganashinan significante.
E crecemeno no a bin sin cu gastonan. Amazon a bisa cu ela perde $2.5 biyon na gasto relata cu Covid y su reputacion tambe a sufri, pa motibo di protestanan contra su condicionnan di trabou y otro reglanan.
Facebook y Google
Facebook, doño di Instagram y WhatsApp, a raporta un cantidad sorprendente di 2.5 biyon usiario diario na September ariba tur su platformanan. Esaki ta un crecemebto di 15% compara cu September aña pasa pero solamente 3% di crecemento compara cu June, tempo cu hendenan cu tawata mester a keda cas a bai haci mas uzo di socual media, generando un avalancha di actividad.
E compania a adverti cu e cantidad di Facebook users a asta disminui na Merca y Canada su mercado di mas rentable, y ela bisa invercionistanan cu ta di spera cu e trend ey lo bai continua.
Twitter a raporta un storia similar, cu 187 miyon di usiario diario den e periodo july-september, un subida di 1 miyon compara cu e periodo anterior.
Sin embargo, e caida aki no ta parce di ta disuadi advertisers.
Durante e shutdowns di e lunanan anterior di 2020, varios compania a stop cu propaganda. E moveshon aki a h e venta di Facebook y a ocasiona Alphabet, e compania madre di Google y YouTube, su prome rebaho di ingreso pa e cuarto di aña aki, desde cu el a bira un compania publico na 2004.
Sin embargo, na Google, ingresonan a subi cu 14% year-on-year hopi miho cu analistanan a spera. E subida aki a juda e ganashi subi cu 59% year-on-year te na mas cu $11 biyon, subiendo e balor di e compania su accionnan cu 6%.
Twitter tambe a wak ingresonan subi cu 14%, mientras Facebook a subi cu 22% y e compania ta bisa di ta spera cu e crecemento aki lo acelera.
Apple
Benta di Apple a yega $64.7 biyon, un tiki mas cu un aña pasa, surpasando tur expectativa, mirando e subida di benta di laptops y iPads.
Pero e accionnan di e compania a sak toch den after-hours trading, y inversionistanan a sufri un caida di 20% den ingreso di iPhone.
Apple a expresa di tin confiansa cu cumpradornan ta wardando ariba nan iPhone mas nobo, di cual e benta ta cuminsa mas laat cu den añanan anterior.
“A pesar di e impacto contiuno di Covid-19, Apple ta introdiciendo productonan prolifico – lidera pa nos prome 5G-enabled iPhone line-up – y e respuesta tawata tremendamente positivo.” chief executive Tim Cook a bisa.
Fuente: BBC