Un estudio di DNA di cacho a demostra cu nos “miho amigo” den e mundo animal por ta tambe esun di mas antiguo.
E analysis ta revela, cu domesticacion di cacho ta bai back 11.000 aña, te na e ultimo Ice Age.
Esaki ta confirma cu cachonan tawata wordo domestica prome cu cualkier otro especie animal.
Segun Dr Pontus Skoglund, co-autor di un estudio y lider di Ancient Genomics laboratory na Crick Institute na Londen, a bisa BBC News: “Cachonan ta berdaderamente unico den esaki ora bo pense bon, tempo cu tur hende tawata cazador, toch nan a domestica un carnivoro salbahe.”
“E pregunta ta: Con bin hende a haci esaki? Con esaki a bira realidad? Esey ta locual nos ta interesa pa descubri.”
Te na cierto grado, e patronchi genetico di cachonan ta manera esun humano, pasobra hende a hiba nan compañero animal cu nan ora nan a muda. Pero tambe tawata tin diferencianan importante.
Por ehempel, e cachonan anterior na Europa tawata hopi diverso, y tawata origina for di dos populacion diferente, un tawata relata na e Near Eastern dogs y e otro na Siberian dogs.
Pero na cierto punto, despues di e comienzo di e era di Brons, un solo lineahe di cacho a expande y a remplaza tur otro populacion den e continente.
Greger Larson, co-autor pa Universidad di Oxford a bisa: “Cachonan ta nos compañeronan di mas cercano y mas antiguo. Uzando DNA di cachonan antiguo nos ta ripara con leu back nos historia comparti ta bai y esaki lo yuda nos compronde na ki momento y na unda e relacion profundo aki a cuminsa.”
E creencia ta keda, cu cachonan a evoluciona for di wolfnan cu a drenta den campamentonan humano, en busca di cuminda. Nan a wordo domestica y lo a sirbi humanonan como compañero di caza of pa seguridad.
E resultado ta sugeri cu tur cacho ta bin di un solo populacion di wolf extincto.
Fuente: BBC