Kinshasa- Salubridad Publico di Republica Democratico di Congo y expertonan di Organizacion Mundial di Salud (WHO) ta haciendo mas investigacion pa determina e causa di cluster di malesa y morto den e comunidad di e provincia di Equateur. Den e ultimo lunanan, esnan cu tin vigilancia di enfermedad a identifica un aumento di malesa y morto tres biaha mas halto den diferente area di e pais. Esaki a mesora a desencadena un investigacion pa confirma e causa y con pa duna e support necesario.
For di comienso di 2025, un cantidat di malesa y morto a afecta e comunidad di e provinsia di Equateur. E cluster mas recien a tuma luga na e area yama Health Zone di Basankusu, unda siman pasa 141 persona mas a bira malo, sin cu a reporta morto. Den e mesun zona aki, a reporta 158 caso y 58 morto den e mesun Health Zone na comienso di februari. Na januari den e Health Zone di Bolamba a reporta 12 persona cu a bira malo incluyendo 8 morto.
E grupo di observashon di e malesa a identifica un total di 1096 persona enfermo y 60 morto na Basankusu y Bolomba cu ta cumpli cu un definicion amplio di casonan cu ta inclui keintura, dolor di cabes, cala frieu, soda, stijve nek, dolor di musculo, dolor articular y corporal, sangramento di nanishi, tosamento, sacamento y diarea.
Debi na e ultimo brote di malesa, un rapid responder team di Kinshasa y Equateur, incluyendo expertonan den emergencia di WHO, a wordo manda den e Health Zone di Basankusu y Bolomba pa investiga e situacion y determina si tin un patronchi inusual. Expertonan ta intensificando vigilancia di e malesa door di haci entrevistanan cu miembronan di comunidad pa compronde e antecedentenan y duna tratamento pa malesa manera malaria, keintura di buiktyfus y meningitis.
WHO a entrega ekiponan medico di emergencia, incluyendo kit di test, y a crea un protocol detaya pa mehora investigashon di e malesa.
E analis inicial di laboratorio tabata negativo pa e malesa di e virus di Ebola y e malesa di e virus di Marburg. Mas o menos mita di e muestranan a resulta positivo pa malaria, cu ta comun den e region. Lo hasi mas test l pa detecta meningitis. Tambe lo analisa muestra di cuminda, awa y medio ambiente, pa determina si por tin contaminashon. E diferente muestranan lo ser manda pa nan wordo analisa despues na e laboratorio nacional di referensia na Kinshasa. E muestranan anterior no tabata sirbi y testnan nobo mester a wordo haci.
