Home Police Audio capta di un security camera ariba caminda di Sero Pita, scucha...

Audio capta di un security camera ariba caminda di Sero Pita, scucha cuanto tiro

SHARE

Oranjestad – Dialuna anochi polis a haya un yamada pa un asistencia na Sero Pita 10A.

Un dialuna anochi algun minuut despues di TDQ cu cayanan bashi y tur hende den nan cas, dos unidad di Santa Cruz a yega Sero Pita 10A, unda lo tawata un of otro problema di famia tumando luga.

Transportwagen di dicho districto tambe tawata na e sitio, na yegada di prensa.Un asistencia cu lo mester bay segun e siguiente posibel scenario.

Ta yega y si ta bon ta detene e persona den e caso aki, Wilson Peña Bermudez(48). Lo a yega y segun procedura debi cu e cabayero lo tawata haciendo problema, lo a pone den boei hinke den transportwagen unda e lo a haya un cel te ora e efectonan di loke sea cu e a usa baha. Y asina despues durante e siguiente dia bay su cas bek.

Pero, dialuna anochi september 28 algo a bay robes. Loke mester a bira a un detencion cu polisnan ta custumbra cune, a haya un dimension cu ni e famia y ni polisnan a anticipa.

Den algun minuut cu e polisnan a yega na e adres, menos di 5 minuut tur loke por a bay robes a bay robes.

Polis a los tironan ariba Wilson Peña Bermudez(48).

Tironan cu a heride mortalmente, pues e lo no a sobrevivi e tiro(nan) na unda cu esakinan a alcanse.

E anochi di dialuna keto a cambia den un dialuna di horor tanto pa e famia, e agentenan policial, y bisiñanan cu a scucha gritonan y tambe varios tiro.

Pa loke ta e tiro of tironan, ariba Facebook nos a bin topa cu e siguiente security camera footage, di un cas ariba caminda grandi unda por scucha varios tiro, mas o menos 5.  Debi cu e anochi tawata keto y nada di trafico ariba caya.

Segun autoridad, e homber Wilson Peña Bermudez(48) lo a ataca nan posiblemente manera cu nan a pone pia na e adres. E lo tawata tin un boter kizas kibra y lo a usa esaki segun polis pa atacanan. Aki ta unda polis a los varios tiro, cu e consecuencianan ya conoci.

Ariba social media por a mira tambe disgusto di parti di famia, cu esaki lo no tawata locual nan kier a pasa cu e homber Wilson Peña Bermudez.

Lo ta bon pa Minister di Husticia pone un budget pa body cameras, mescos agentenan ta haya nan portofoon pa subi caya mescos nan mester bisti ‘bodycam’ cu lo ta fully charged y cada biaha cu yega bek ta download loke nan a experiencia durante nan patrouille. Di e manera aki por tin evidencia di loke exactamente a sosode y pa no tin ningun speculacion.

Taser tambe kizas ta un bon inversion di parti e Minister di Husticia, unda cu sigur bo ta evita tipo di situacionan manera esaki. Kizas si tawata tin un taser nos lo no ta papiando di e incidente lamentabel aki.

Nos ta desea hopi forsa na famia di e fayecido den e dianan dilanti.

 

Wak e ora, e ta cuadra.