Dia 23 di September 2020 Minister Maduro tabata den sala di Parlamento pa atende e Uitvoeringsrapportage di e prome 6 lunanan di aña.
Na inicio di su discurso Minister di Finansas, Economía y Cultura a anuncia den sala di Parlamento cu e “benta” di bono a bay hopi bon. Tambe ela bisa cu mirando cu a ‘oversubscribed’ riba e bono esta cu tabatin mas interes cu e landsbesluit ta indica, Gobierno ta bay emiti un otro bono.
Alabes a keda enfatisa cu ta nos hendenan local a cumpra e bononan y sigur a keda demostra cu tin confiansa den nos dushi pais Aruba.
Sigur e resultado aki nos mester uza como obstáculo pa esnan cu kier planta e simiya di duda den e capacidad di nos mesun hendenan y nos propio forsa pa bin cu solucion. Cu nos mester yudansa SI pero cu esaki mester keda condiciona inhustamente NO!
Ta na su lugar pa yama danki na tur esnan cu a inscribi pa cumpra Bono I a keda emiti. Esaki ta haci posibel cu Gobierno por sigui cumplí cu entre otro loonsubsidie, FASE, MKB-regeling y sigui maneha nos país den e pandemia aki. Mi ta convenci cu si pueblo cumplí cu nan responsabilidad na un manera disciplina y nos logra domina e situación di crisis, poco poco nos economía ta bin bek riba pia. Hunto nos ta logra surpasa e retonan cu nos pais ta enfrentando.