Na juni ultimo Stichting Reclassering en Jeugdbescherming a cuminsa nos campanja pa busca mas mentor boluntario cu kier haci un diferencia den e bida di nos hobennan y mustra nan cosnan positivo den bida. Tambe a lansa un jingle composita door di nos Caiso King 2020, Carl Roosberj jr “Galloway Jr” cu por cierto a wordo recibi cu man habri den nos comunidad.
E acohida tabata uno grandi y nos di Stichting Reclassering kier a duna danki na tur esnan cu a aplica y a mustra interes den nos proyecto. Te cu awor nos a haya 25 persona cu a mustra interes pa ta mentor boluntario.
Mirando e situacion di COVID-19, nos no a logra comunica cu tur esnan cu a aplica den e tempo stipula. Pa es motibo, Stichting Reclassering kier a informa tur esnan cu a aplica, cu den e dianan venidero nan lo ricibi un email of yamada di nos pa asina cuminsa cu e proceso pa bira un mentor boluntario.
Cu tur e medidanan di social distancing rond di e COVID-19, Stichting Reclassering a bin cu un forma creativo y proactivo pa cu e proceso di training y lesnan pa bira mentor. Den un forma creativo y dynamico lo duna e lesnan online. Ta haci apelacion na tur futuro mentornan pa haci investigacionan tocante nos organisacion paso nos tin un sorpresa plania pa nan. Keda pendiente!
Por ultimo Stichting Reclassering kier a duna danki na Carl Roosberg “Galloway Jr” cu ta sosteniendo nos campanja for di comienso. Nos kier tambe duna danki atrobe na tur esnan cu a aplica pa bira un mentor boluntario. Y un Danki na tur radio emisoranan cu a yuda promove nos campanja, muy especialmente Massive 103.5 Fm.