Turibana: Diamars den oranan di mainta un patruya di polis cu tabata riba e caminda di Turibana, a nota cu un Toyota Rav a dal tras di un Nissan Versa y despues e chauffeur a sigui core y atrobe a bolbe dal su tras. Tur cos tabata mustra mescos cu e chauffeur di e Toyota Rav tabata dal contra e Nissan Versa intencionalmente. Esaki a sosode varios biaha den bista di polis, e chauffeur di e Toyota Rav a keda dal contra e Nissan Versa na mas cu un biaha y te hasta cu e bumper a kita cay.
Polis mesora a dicidi di para ambos auto y a bay papia cu e dos chauffeurnan. Polis a detene e dama chauffeur di e Toyota Rav pa motibo di a comete destruccion na e Nissan Versa den cual e chauffeur tambe tabata un dama.
No ta conoci ki problema e dos damanan aki lo tabata tin cu otro, cu e la yega asina leu cu dama Chauffeur di e Toyota Rav a comete destruccion na e Nissan Versa di e otro dama.
Polisnan na e sitio a pidi pa presencia di e departamento tecnico pa haci mas investigacion.
