Oranjestad – Diahuebs mainta Cuerpo Policial a manda e siguiente informacion, relaciona cu e tres entrada hudicial efectua ariba diahuebs.
“En conexión cu un investigacion andando Seccion Crimen Organisa di Cuerpo Policial a hasi awe mainta tres entrada judicial.
Un na un cas na Cumana na unda nan a detene 3 sospechoso masculino di nacionalidad Venezolano y 21 ilegal. Na dicho adres a confisca un pistool, municion y celularnan. Na e percela na Montaña a detene un cabayero nacionalidad Venezolano y a confisca celular y un auto. Por ultimo na un adres na Caya Seneblar a confisca celularnan.
Mester bisa cu e personanan deteni ta wordo considera sumamente peligroso y ta pesey a hasi uso di e team di aresto.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141”.