Home History of Aruba Video Documentary: Recordando e tragedia di Xavier Frans ariba Papillon Snack Truck...

Video Documentary: Recordando e tragedia di Xavier Frans ariba Papillon Snack Truck 17 aña pasa

SHARE
Oranjestad – Augustus 28 2003 famia Frans e tempo eynan bibando na Meiveld a wordo sacudi pa un tragedia, cu te dia di awe ta fresco den nan memoria.

Augustus 28 2020 ta 17 aña cu nan yiu, omo, primo, sobrino y ruman Xavier Frans a wordo asesina durante un atraco.

Xavier e tempo ey 34 aña di edad tawata labora ariba e truck di famia, un truck masha masha conoci ariba Aruba e tempo ey, yama Papillon Snack Truck.

E tragedia a tuma luga ariba parkeer plaats di Postkantoor na Playa.

Esey tawata luga unda Papillon tawata para tur anochi, cuminsando for di 9’or bendiendo cuminda.

Den e siguiente documentario Arubanative hunto cu famia Frans ta recorda Xavier cu 17 aña pasa a wordo ranca for di nan den un manera cruel, lagando un yiu muhe(9) y su señora atras cu tawata na estado di nan segundo yiu cu awor tin 17 aña.

Un documentario hopi interesante y alabes emocional unda cu famia completo ta recorda Xavier y lo papia open di e tragedia di Papillon Snack Truck.

E documentario aki lo bay pasa tambe ariba Television, e canal y e orario lo wordo anuncia despues.

Pa awor si bo tin un Smart Tv bo por hook up bo cellular y mira casi un ora largo di programa of bo por mire tambe ariba bo Laptop.