Home Local Test Center HOH ta pidi tur hende pa yega na ora pa...

Test Center HOH ta pidi tur hende pa yega na ora pa haci test

SHARE

 

 

Awe mainta a surgi un situacion na Hospital su Test Center cu tabatin como consecuencia rij largo pa haci PCR test pa Covid-19. Pa e motibo aki kier haci apelacion na un y tur pa yega na e ora stipula pa haci test.

Tin biaha un persona ta yega mucho trempan of e ta yega laat y esaki por causa cu ta stroba e fluho di schedule cu a traha pa test.

 

Aunke ta tene cuenta cu un paar di minuut di desviacion di afspraak por imagina si algun hende no yega na ora esaki lo acumula y por causa tempo di espera largo cu ta innecesario pa otro cu si ta cumpli cu su orario di afspraak. 

Ademas, pa loke ta awe mainta, no por a premira e yobida cu tambe a stroba algun persona di sali for di auto y test na e ora stipula.  

 

Dr. Horacio E. Oduber Hospital ta pidi tur hende pa un poco pasenshi den e situacion actual y ta haci un suplica na tur cu mester acudi pa nan afspraak, yega na e ora stipula. 

Ademas, a ripara cu tin algun persona cu no ta completa tur informacion necesario riba e Health app of tin eror den yenamento. Esaki por stagna e registracion y e resultado. Ta pidi pa controla esaki bon.

 

Tambe nos ta corda tur hende cu bistimento di bo mesun mask ta obligatorio ora di drenta Hospital pa un cita, test of bishita. 

 

Directiva, staf y personal di Hospital ta gradici tur hende pa nan comprension y cooperacion. Hunto nos por combati’e!