Home Local Proyecto Piloto Klas Inclusivo di Fundacion Autismo Aruba

Proyecto Piloto Klas Inclusivo di Fundacion Autismo Aruba

SHARE
Cu esaki nos di directiva di Fundacion Autismo Aruba kier anuncia cu ayera dia 13 di Augustus 2020 nos a lansa nos proyecto piloto titula Introduccion na Klas Inclusivo.
Adhunto nos ta manda e carta oficial cu ta splica e proyecto y con maestranan interesa por registra. E meta di esaki ta pa 50 maestra di educacion regular (preparatorio y primario) por brinda un ambiente inclusivo den klas unda cu tur maestra/o lo ricibi un pakete cu un “Sensory Toolbox” y un “Safe Space Tent” como tambe diferente lezing y pakete informatibo pa esaki. Nos di FAA lo midi e eficiencia di e proyecto aki continuamente y ta invita studiantenan di EPI, UA, y IPA cu tin interes den e topico aki pa forma parti di e onderzoek sea si ta como boluntario, como parti di nan research pa nan thesis, of pa un proyecto di scol.

Mirando e interes grandi den e proyecto aki nos a dicidi pa habri un registracion pa maestranan cu sea no por forma parti di e proyecto, maestranan cu no ta den educacion regular, begeleiders di cresh, cabesantenan, guia interno, studiante y tur otro interesa por forma parti di esaki como “toehoorder” unda cu nan lo ricibi paketenan di informacion durante e trayectoria.

Akinan mi ta manda e diferente links:
Registracion scol preparatorio: https://www.surveymonkey.com/r/PreparatorioFAAPP
Registracion scol primario: https://www.surveymonkey.com/r/PrimarioFAAPP