L.G.Smith Boulevard – Den oranan di dialuna atardi agentenan policial a haya ordo pa ‘ruim op de boel’ e area pariba di parlamento. Despues di 10 dia cu Sr. Richi Danies y su sostenedornan a manifesta, autoridad a pidi nan pa bandona e sitio.
Sr. Danies y su sostenedornan no a keda contento cu a stroba nan lucha, esaki a causa cu algun persona a protesta contra e ordo aki. Esaki a resulta den detencion di Sr. Danies y un di su sostenedornan femenino.
Esnan cu a compaña y sostene e lucha contra abuso di mucha a hayanan ordena pa kita nan tent y otro articulonan. Na e sitio un di e sostenedornan tawata vocifera su disgusto y tawata pidi pa agentenan join e lucha.
Pues pa awor Sr.Danies ta deteni y lo mester bay mira kiko otro e lo por bay haci ora e recobra su libertad.
