Diadomingo anochi laat tambe, polis mester a bay manda hende cas for Linear Park

Linear Park – Diadomingo den careda di mey anochi polisnan un biaha mas a bolbe bay Sandra’s Garden, unda cu lo tawata tin aglomeracion di hende.

A pensa cu kizas esaki lo sosode solamente ariba diabierna y diasabra, pero a resulta cu diadomingo anochi laat tambe.

Normalmente mayoria di hende ta na nan cas preparando pa un siman nobo pa bay traha.

Pero ta parse cu Coronavirus a cambia hopi cos. E ta manera cu e hendenan kier biba manera cu lo ta e ultimo dia di nan bida.

Manera nos a scucha repetidamente, e normal aya lo no bin mas y kizas incertidumbre di no sa kiko mas e resto di aña 2020 lo bin cu ne lo por ta e causante.