Despues di amplio deliberacion y analysis di riesgo di diferente scenario, Gobierno di Aruba ta sinti cu awor ta e mihor momento pa habri frontera cu su islanan ruman; Boneiro y Corsow.
Entrante dialuna 15 di juni te cu 1 di juli lo habri frontera cu islanan Boneiro y Curacao. Esaki ta nifica cu entre e islanan aki a acorda cu por biaha sin cu tin restrincion, esaki pa motibo cu no tin transmision local na Aruba, Boneiro ni tampoco na Corsow.
Esaki kiermen cu na entrada di Aruba, biahando for di Corsow of Boneiro;
– no ta exigi test pa por drenta Aruba,
– lo hasi algun pregunta necesario; medische screening,
– si e persona tin sintoma lo e mester hasi test y bai den cuarentena,
– si no tin sintoma no mester hasi e test,
– no mester bai den cuarentena mas
– no mester di prueba di seguro pa cubri Covid 19, ta conseha e biahero si pa verifica esaki bon, pasobra si tin gastonan medico cu e mester hasi esakinan ta core riba su persona.