Den Haag – Entrante dia 1e di juli 2020 ta renombra Prof. dr. Raymond Gradus Presidente di Colegio di supervision financiero di Corsou y Sint Maarten, Colegio di supervision financiero di Boneiro, Sint Eustatius y Saba y Colegio di supervision financiero di Aruba, pa un periodo di tres aña.
Prof. dr. Gradus ta Presidente di e tres Colegionan for di dia 1e di juli 2017. Den Conseho di Ministro di Reino di dia 15 di mei a trata e renombramento di Señor Gradus. Lo efectua e renombramento pa medio di un Decreto Real.
Prof. dr. Raymond Gradus ta profesor catedratico di Administracion y Economia di Sector publico y sin fin lucrativo na Vrije Universiteit di Amsterdam. Alabes e ta vincula na Seccion di Accounting y Zijlstra Center for Public Control, Leadership & Governance. Ademas, e tin varios publicacion cientifico riba su nomber tocante, entre otro, siguridad social, cogobierno, maneho di medio ambiente y mecanismo di mercado.