Gent, Belgica: E crisiscentrum di Belgica a duna e tristo noticia cu un mucha muher, di apenas 12 aña procedente di Gent a fayece, despues di a keda infecta cu coronavirus.
E Viroloog cu mester a informa e pueblo a haci esaki cu gemoed yen y por a nota un tristesa grandi riba su cara na momento cu e mester a informa e pueblo Belgo, cu e criatura di 12 aña a fayece. E no por a sigui duna e noticia y un otro Viroloog mester a sigui cu esaki.
Esaki ta e victima mas jong di coronavirus a fayece den Europa.
Segun e viroloog e mucha muher (12) a fayece dia 30 di maart. E mucha su test a sali positivo y di golpi e mucha aki a bay atras. Despues di 3 dia cu keintura, ela wordo interna cu urgencia na hospital caminda hopi liher ela fayece. E mucha no tabata tin niun problema cu salud.
E mucha muher ta procedente di Gent, esaki e alcalde di Gent, Mathias De Clercq a duna di conoce. Ela yama esaki un tragedia hopi tristo y como tata esaki a kibra su curason. Gent y Belgica completo ta den un tristesa grandi. Tambe e alcade a manda su palabranan di profundo condolencia pa e famia y e scol De Harp. E alcalde a sigui bisa, cu nan lo duna nan sosten completo na e famia di e mucha muher aki, durante e periodo dificil aki.
Den oranan di mainta e School De Harp unda e mucha muher tabata bay a wordo avisa. E school a splica cu desde 13 di maart e mucha no a presenta na scol mas, diabierna awo ta haci 3 siman, segun e directie di e scol.
E morto di e criatura aki pone henter mundo para keto, pa corda cu edad di 10 te cu e edad di mas halto, por desaroya complicacion pa cu e virus aki. Tur estadisticanan ta mustra cu e infeccion hopi biaha cerca muchanan e ta leve, pero cu de bes encuando e por bira un infeccion serio cerca muchanan. Esaki ta loke a sosode cu e mucha muher na Belgica. Mayoria biaha ta hendenan grandi di edad ta fayece di Covid-19. Na Belgica 93% di e fayecidonan tabata hendenan di 65 aña bay ariba.
Griep of influenza tambe ta costa bida di mucha, na Belgica den temporada di griep 25% di muchanan ta haya griep y tur aña un of dos mucha cu ta bon di salud sa fayece di griep.
Na Portugal recientemente un mucha homber di 14 aña infecta cu e virus a fayece. Tambe na Francia un mucha muher di 16 aña a fayece. Na Inglatera un mucha homber di 13 aña a muri. E mucha muher di 12 aña cu a fayece na Belgica, ta esun di mas hoben di henter Europa.