Dos homber sinta riba e Barco Baboe ta pisca, y asina formando un peliger pa su mes, mirando cu e boto ta full frustia

Malmok: Dialuna algo prome cu 11’or di mainta, dos homber a dicidi di subi sinta riba e barco Baboe pa e pisca. E barco baboe ta e barco cu a wordo gesink basta a aña pasa. Na 1999 durante horcan Lenny, lama bruto a trec’e tera. E barco a wordo mara den lama na Malmok, poco poco e ta frustiando y ta cayendo for di otro.

E hombernan aki cu a subi riba e barco no a tene cuenta cu nan mesun seguridad, djis pa pisca y asina trata di bay cas cu algun pisca, nan a tuma e riesgo grandi aki sin tene na cuenta cu e barco ta garnando for di otro y cu por tabata tin consecuencianan hopi serio pa nan.