73
Update di coronavirus na Hulanda: Diaranson 18 di maart, 15 persona mas a fayece y asina a yega na un total di 58 morto. 346 persona cu nan test di Diamars pa Diaranson a sali positivo, a yega na un total di 2051 persona infecta.
Entre e personanan cu a haci test un total di 485 ta personanan cu ta traha den cuido medico. E grupo aki ta wordo getest mas cu otro gruponan.
15 persona a fayece di Diamars pa Diaranson, e total di 58 morto.
E edad di e fayecidonan ta entre 63 pa 95 aña.
Como 408 persona tabata of ta interna den hospital.
Mayoria di personanan cu nan test a sali positivo ta biba na e provincia di Noord Brabant, un total di 759 persona Sigui pa Limburg cu 265 persona y Zuid Holland cu 241 persona.
Fuente: RIVM