Home International Lancha cu a sali ilegalmente, aparentemente32 persona abordo lo ta perdi

Lancha cu a sali ilegalmente, aparentemente32 persona abordo lo ta perdi

SHARE

Falcon, Venezuela: Diaranson den oranan di marduga lo a sali un lancha for di e bahia de Tiraya, Falcon, lo a desaparece.

E lancha aki tabata cu destino  Aruba y den awanan internacional lo a haya problema. Segun Zulaika Rincon, kende ta vocero di e piscadonan di Boca de Caño a declara na medianan local cu un di e personanan abordo lo a comunica cu un familiar informando cu e lancha tabata hudiendo.

Mesora e familiar na su turno a bati alarma, Guarda costa Venezolano a sali pa busca e naufragonan aki, pero te na e momentonan aki no a logra topa cu niun persona y ni boto. Abordo lo tabata tin tanto hende muhe y muchanan menor di edad.

Otilio Refunjol y un otro homber cu bijnaam El Tite, lo ta capitan di e lancha aki, aparentemente ambos lo a aparece bek na tera, pero ta huyendo pa husticia, kiko a pasa cu e personanan cu tabata abordo no ta conoci y mientrastanto cu no detene e dos personanan aki of no haya un di e personanan aki cu por a sobrevivi, ta keda desconoci kiko exactamente a pasa cu nan.

E embarque aki ta uno cu a sali ilegalmente for di Venezuela y no tin mucho informacion di dje. E tipo di embarquenan aki ta hopi peligroso, e personanan cu ta subi riba e lanchanan aki no ta solamente paga hopi placa, pero ta riscando nan bida tambe, esaki cu e intencion pa busca un mihor futuro, sin pensa riba tur e peligernan cu nan ta hinka nan mes aden.

Arubanative.com a wordo acerca pa un media di Falcon, un rato despues cu a publica e noticia di “Polis Maritimo a intercepta e boto di piscado cu e 5 personanan indocumenta”. Pa motibo cu e famianan di e personanan aki a pensa cu si por ta trata di algun di nan ser keri nan. Como famia nan ta carga speransa cu nan ser kerinan ta na bida.

Guarda Costa di Punto Fijo ta sigui cu e buskeda pa e personanan aki y di e dos capitannan cu ta huyendo pa Husticia.