WIND CREEK CASINOS ta por lo pronto cera pa publico
Oranjestad: Dialuna den oranan di anochi por a nota cu na e entrada di Wind Creek Crystal Casino, nan tabata cerando e entrada principal cu plywood. Tambe por a nota cu e parkinglotnan tabata hopi bashi caba, mirando cu e fluho di turista ya a cuminsa baha drasticamente.
Gerente di Wind Creek tabata mirando hopi di cerca e ultimo desaroyonan relaciona cu e virus Covid-19. Na momento cu gobierno di Aruba a cuminsa pidi pa tur hende cuminsa practica Social distancing, e compania Wind Creek cu ta apoya e iniciativa aki, a dicidi di cera ambos casino, cu ta Wind Creek Crystal Casino y Wind Creek Seaport Casino. Segun nos a compronde e trahadornan di casinonan aki lo sigui cobra, maske cu e casinonan ta cera pa publico.
Asina cu ta responsabel bek pa e trahadornan reanuda trabou, e casinonan lo wordo habri bek y sigur cu gusto nan lo continua sirbi nan bishitantenan den un ambiente safe na Renaissance Aruba Resort & Casino.