Savaneta – Diaranson marduga pa den careda di 1’or habitantenan ariba caminda grandi altura di Club Arias a wordo door di un zonido fuerte.
Mesora hendenan a sali tira bista, y a bin topa cu un vehiculo totalmente destrui pega contra un cura di cas.
Den e vehiculo tawata tin un persona masculino, na e banda drechi.
Polis na su yegada a pidi ambulance cu urgencia, mirando con e auto a keda y e situacion di e chauffeur.
E auto lo tawata bayendo direccion pariba, momento cu pa un of otro motibo e auto a bay na su man robes y dal cu velocidad hopi halto contra cura/muraya di un cas.
Na e sitio segun testigonan un otro vehiculo probablemente lo a dal e auto aki, causando cu e ta perde control total ariba su stuur y bay accidenta.
Pero, tambe tawata wordo comenta cu posiblemente lo por ta trata di pustamento di auto cu e resultado aki.
Algun rato despues Ambulance y Materiaalwagen a presenta y mesora a cuminsa traha pa saca e victima for di e loke a keda di e auto.
Departamento di trafico y tambe Bfto(seccion tecnico) a presenta pa haci investigacion.
Despues cu a saca e victima amulance a bay direccion Hospital cu urgencia unda cu a notifica Slachtofferhulp tambe.
