Caya Papa Juan Pablo II/Rondweg – Dialuna anochi un huurdo preocupa cu e doño di apartamento no a bin cobra huur pa 1 siman a bati alarma.
Esaki tawata den oranan di 8’or cu e dama a avisa polis cu e ta mira e cas habri y television cendi basta dia caba.
Pues tur cos constantemente tawata mescos.
Dialuna anochi polis hunto cu brandweer a drenta e cas, mirando cu e homber ta biba su so mester a haci uso di brandweer pa corta candal.
Momento cu nan a drenta paden y bisiñanan ta den angustia pa sa kiko a pasa e cabayero, su yiu di criansa a presenta y ta bisa cu su padrastro ta algun dia caba malo den Hospital.
Pero, asina mes polis hunto cu brandweer a inspecciona e parti paden di e cas unda cu e porta di sala tin dianan habri.
E parti tristo ta cu e persona aki cu ta sufri di un enfermedad di nervio y e tin varios cacho, por a mira cu e bestianan lo tin dia sin come of bebe.
Polis a papia cu e yiu di criansa y elo a keda encarga pa duna e animalnan di come y bebe y tambe cera e cas.
