Durante fin di siman directivanan di e Leerorkestnan di Aruba, Boneiro y Curacao (ABC) a reuni cu otro y a palabra di forma un relacion di trabou mas estrecho cu otro riba tereno di desaroyo di e trabow di Leerorkest na ABC. Mester menciona cu e relacion di trabou aki ta danki na e apoyo y sosten financiero di Ministerio di Husticia y Seguridad Hulandes pa traha hunto na crea un mihor futuro pa nos hubentud. En vez di medidanan represivo ta pone ayudo disponibel pa un programa preventivo den un cuadro “holistico” di e desaroyo di e mucha.
Cu esaki, partidonan ta uni nan mes pa traha cu otro na un desaroyo sano y na e bienestar di e mucha. Cu e lema cu ‘Musica Ta Pa TUR Mucha’ lo colabora y intercambia idea, planificacion y ehecucion di trabounan, midi experiencia y resultado di e trabou pa cu e desaroyo di Leerorkest usando e metodo di Leerorkest Hulanda. Den esaki claramente tin bastante espacio pa ‘Caribisa’ e programa Hulandes y duna e trabou di Leerorkest su propio indentidad. Den esaki lo haci uso di loke den pasado a uni nos y intercambia desaroyonan nobo pa crecemento sano di nos muchanan.
Door di usa e metodo aki den union, por logra midi e desaroyo y logro. Por ehempel Curacao despues di 4 aña y cu un total di xxx alumno ta conta cu solamente 3 “zittenblijvers”. Intercambio di conocemento y entrenamento di docentenan lo yuda desaroya e “teamspirit” dentro di Reino. A keda acorda cu partidonan lo traha na un presentacion conhunto di Leerorkest pa cu celebracion di Dia di Reino 2020.
Cu esaki partidonan ta y lo sigi traha na ehecucion di e metodo di Leerorkest y na un evaluacion conhunto di e logronan.