Na Hulanda tres persona cu tabata infecta cu Corona Virus a fayece y en total 265 persona ta infecta cu e virus aki.
Na Breda di e 300 trahadornan cu a haci e test, 10 trahador di Amphia Ziekenhuis a sali positivo di ta infecta cu Corona Virus, e test aki a wordo haci pa motibo cu nan lo tabata tin sintoma di e virus of nan a bishita recientemente un area di riesgo por ehempel e parti nort di Italia. Na VijfHeerenlanden, un habitante cu tabata infecta cu Corona Virus a recupera por completo.
Gran Britania, e cantidad di persona infecta cu Corona Virus a aumenta y a yega Diadomingo te na 273. Supermarketnan na Gran Britania a informa cu nan lo bay over na pone productonan den forma di rantsoen, pa asina tur hende haya lo necesario y suficiente pa cada un nan necesidad.
Conseho negativo pa biaha pa Noord Italia, e area aki a wordo apunta como codigo cora.
Na Belgica e cantidad di personanan infecta cu Corona Virus a yega 200.
Bangladesh a anuncia diadomingo su prome caso di Corona Virus, ta trata di tres persona cu recientemente a regresa for di Italia.
Iran Air a para tur su buelonan cu destinacionnan den Europa.
Alemania a pidi mas claridad referente e medidanan cu Italia lo mester a tuma pa encuanto e Corona Virus.
Segun e Ministerio di asuntonan Exterior di Hulanda: Hulandesnan na Noord Italia, te na e momentonan aki por sali ainda for di e area aki.
E Premier Checo, Andrej Babis diadomingo a bisa cu Italia mester bin cu un prohibicion di biahe pa su habitantenan, cu nan no por biaha mas pa otro paisnan den Europa pa asina frena e virus pa e no sigui plama.
Na Bulgaria prome 4 casonan di Corona Virus confirma. Dos Homber procedente di Pleven y dos muher for di Gabrovo.
Prome persona infecta cu corona virus na Moldavia, un dama cu Diasabra ultimo a yega for di Italia, ela keda interna den hospital cu e sintomanan y aki a constata cu e tin e longvirus.
Dos isla di Maldivas ta cera pa motibo di coronavirus.
E cantidad di morto na China ta sigui crece despues cu e hotel destina pa Cuarentena a colapse. Desde Diasabra 27 hende mas a fayece a consecuencia di corona virus.
Zuid Korea e cantidad di persona infecta a subi cu 367 persona mas.
Gobierno italiano a bin cu un plan di emergencia pa cera 11 provincianan na e parti nort di Italia y e area di Lombardia. Pa asina evita cu e virus ta sigui plama den e pais. Niun persona no ta wordo permiti pa drenta of sali di e provincianan aki. Esaki ta conta pa Lombardia y incluyendo Venezia tambe