131
Noord – Dialuna atardi algo pasa di 6’or polis a bay rotonde nobo na Noord, unda lo tawata tin un accidente entre brommer cu auto.
Na yegada polis a topa cu un brommer Suzuki y un Kia Rio color berde.
Na e sitio por a compronde cu e manehador di e brommer lo a bay test drive e brommer.
Pero, mala suerte a toke.
Net e tawata birando ariba e rotonde pa hiba e brommer bek pa su doño e Kia Rio a subi y ta dal su tras. Durante e accidente e brommer a bay bou di e auto.
Polis di trafico a presenta y tuma tur datos.Na final mester a jack e auto pa por a saca e brommer.
Daño material na e brommer ta considerabel, y e manehador no tawata desea asistencia medico.