Home Sports AVB ta yuda mehora organisacion di clubnan Tayer di “Club Development”...

AVB ta yuda mehora organisacion di clubnan Tayer di “Club Development” pa clubnan di futbol

SHARE

 

 

ORANJESTAD, Aruba –  Arubaanse Voetbal Bond (AVB) a desaroya un plan integral, “Grow Football Aruba”, pa inverti den desaroyo di Youth football. E plan “Grow football Aruba” ta un plan integral cu ta consisti di 4 plan cu ta enfocariba cuater area cu mester desaroya: Club development, Coach Development, Talent Development y e diferente seleccionnan hubenil.  

 

Un di e proyectonan cu ta parti di e “Grow Football Aruba” ta e “Youth Development Program” cu ta pa yuda e clubnan cu nan organisacion door di reenforsa funcionamento di e organisacionan aki. Despues cu AVB a nombra un manager, Steve Escalona, pa coordina e proyecto aki, aña pasa na October a inicia cu e programa contando cu participacion di 6 club, esta RCA, Dakota, Britannia, Estrella, Nacional y Bubali.

 

E proyecto a start na October y tin un duracion di algun aña pa na final e clubnan tin tur herment pa por funciona miho ainda y cumpli cu exigencianan di e “Club Licensing”. Den e cuadro aki e 6 clubnan a bini hunto pa un tayer organisa pa NMC Bright. E tayer tawata dirigi mas tanto pa yuda e organisacionnan compronde, conoce y tambe ricibi tools nan pa por sigui desaroya nan mes. Specialmente den e parti organisatorio, pero tambe den e programa di “jeugd opleiding” cu lo crea awo.

 

Por menciona cu e tayer aki ta resultado di un proceso cu a inicia na October 2019, caminda cu project manager Steve Escalona a cuminsa cu un “intake” gesprek pa di e forma aki conoce e clubnan y haya sa mas riba e parti con nan ta organisa. A base di e “intake” ey  AVB por a haya un bista di e puntonan cu tabata falta pa por a guia e clubnan den e proceso. 

 

Asina a bin na un tayer unda a traha un plan di desaroyo pa cada club. Pues e tayer aki tawata pa e clubnan trata diferente apectonan di “organisatie besturen” cu tin di haber completamente cu organisacion di e clubnan mes. Naturalmente e intencion despues di e workshop ey, e project manager Steve Escalona lo guia nan durante e campeonato aki pa asina nan desaroya nan mes den e parti di “organisatie” y “vereniging”.