Havenstraat – Diadomingo anochi laat pasa di 11’or polis a haya informacion di un kiebro den Kong Hing Supermarket situa den Havenstraat.
Informacion adicional tawata cu e individuo cu a kibra drenta ainda ta den e supermercado.
Na yegada enberdad polisnan a bin topa cu un bicicleta y dos tas carga cu tur sorto di alcohol.
E entrada a wordo forsa door di usa un sker di corta hero.
Di eynan a sigui pa kibra e vitrina y door cu e adicto ta flaco ela pasa bay.
Posiblemente door di haltura e no a worry cu e tawata haci desordo.
Esaki a lanta sospecho cerca security guardnan den cercania cu a bati alarma.
Polisnan a yega y mesora algun agente a bay paden, tambe compania di e security a yega na e sitio y despues e doño.
Asina a bin cende e luznan y despues di basta buska a bin topa cu un conoci di nan Rafini na e di dos piso.
Aki ta unda polisnan mester a maniobra pa sake.
Por bisa cu e adicto aki tawata bastante altera y agresivo.
Mientrastanto a pone sinta paden wardando Transportwagen.
Momento cu a sake for di e supermarket ela bira mas furioso y dado momento polisnan mester a usa forsa pa hinke den e Transportwagen.
Eyden ela keda skop y grita un monton di cos.
Loke ta lamentabel ta cu e propetario ta core cu un gasto basta grandi, esta na glas y algun cos cu mester di welder.
Na un manera basta ingenioso e adicto a planea tur cos con pa drenta y unda elo horta alcohol pa mas sigur bende prome cu Carnaval y usa e placa pa consumo di droga.
