Home International Un avion cu problema mester a dump su fuel prome cu e...

Un avion cu problema mester a dump su fuel prome cu e por a haci un aterisahe di emergencia, e jetfuel cu a wordo gedump a cay riba 4 scol, lagando 60 persona herida.

SHARE

Pilotonan di Delta Airlines, a hayanan mes confronta cu un problema na un motor di nan avion, esaki a sosode un rato despues di a lanta buelo, e avion mester a basha tur e fuel prome, cu e por a haci un aterisahe di emergencia.  E fuel a bay cay riba algun scol, heridando asina 60 persona, entre nan mas cu 30 mucha.

Los Angeles, California: Diamars den oranan di merdia, un avion di Delta Airlines DL89, a lanta buelo cu destino Shanghai, pero manera cu ela lanta, ela cuminsa confronta problema cu un motor, mesora e pilotonan a dicidi di bay bek na e aeropuerto internacional di Los Angeles (LAX), unda un rato prome nan a lanta buelo. Mirando cu e avion a caba di fuel y tabata carga cu jet fuel, e no por a yega baha. E jet fuel mester a wordo basha den laira, prome cu e avion por a aterisa. Mesora a cuminsa basha e jet fuel, sin sa cu e jet fuel cu nan tabata bashando den halto tabata cay riba un area caminda tin 4 scol.


e avion bashando e fuel afo

Mayoria di e fuel a cay riba e speelplaats di e scol basico Park Avenue Elementary na Cudahy, net na momento cu e muchanan tabata hungando riba e speelplaats, Cudahy e ta keda pariba di e aeropuerto. E fuel a cay tambe riba tereno di e otro scolnan den becindario.


mayornan buscando nan yiunan

En total como 60 persona a keda herida y entrenan como 30 mucha. Esaki ta loke brandweer di Los Angeles informa. E heridanan tabata leve, mayoria tabata tin problema cu halamento di rosea, iritacion di cuero y wowo. Niun persona no a keda hospitalisa.


Dama cu iritacion di cuero


Mayornan saliendo cu nan yiunan for di e scolnan aki

E avion mes a logra baha bek sin problema na e aeropuerto di Los Angeles. E autoridad di aviacion mericano, ta haciendo investigacion referente e sosedido y tambe tocante e muchanan di e scolnan basico cu a keda levemente herida.

E boeing cu a caba di lanta buelo, tabata bayendo Shanghai y na momento cu nan a haya problema tecnico, e pilotonan a dicidi di haci un aterisahe di emergencia. Esaki a sosode den careda di 12’or di merdia ora local. E avion a baha sin problema, despues cu nan a basha tur e jetfuel.


Avion di Delta Airlines