Home Police Turistanan cu tabata keiro den un Jeep a bolter y nan a...

Turistanan cu tabata keiro den un Jeep a bolter y nan a keda herida

SHARE

Shete: Diamars den oranan di merdia pa atardi, ta sosode un accidente riba e caminda di santo na Shete. Un jeep a bolter y e pareha cu tabata den e Jeep tabata kehando di dolor. Mesora a manda pidi pa presencia di polis.

Na yegada di polis enberdad nan a bin topa cu un jeep Wrangler Blanco benta den banda riba e caminda di santo. Na e sitio nan ta bin compronde cu chauffeur di e Jeep pa un motibo of otro a hala na banda di caminda y a dal contra un baranca, ela perde control riba e jeep y a bolter.

Algun turista mas cu tabata den un otro Jeep aparentemente conoci of familiar di e pareha, mesora a baha pa yudanan, mientras nan tabata wardando riba presencia di polis y ambulance. E pareha tabata keha di dolor, e homber tabata tin hopi dolor na su brasa, mientras e muher tabata tin dolor na varios parti di su curpa.

Na yegada di ambulance e paramediconan a atende cu e dos heridonan aki.