Pavia Country Club – Diadomingo anochi laat polis a haya informacion cu un chauffeur lo ta tras di un auto cu a dal e y sigui bay.
Prome informacion tawata cu e auto ta direccion Paradera, esta biniendo for di Tanki Leendert.
E persona su tras a mira con e auto a bay rotonde di Piedra Plat y despues bay zuid. Mas pabou ela drenta Pavia Country Club.
Ya na e momento nan ey polisnan tawata bayendo Pavia Country Club.
Den un caya mas pabou di Pavia Country Club a bin topa cu e Toyota Yaris color berde.
Mesora e victima a avisa polis unda nan tawata.
Aki polis a yega y mesora a constata cu chauffeur di e Yaris ta bou influencia.
Victima di hit and run tawata su tras den un Toyota Rav4 color blauw.
Polis a detene e chauffeur mesora y a pidi Transportwagen.
Polis casi tur dia ta haye cu un of mas caso di hit and run, sea cometi pa un persona bou influencia of personanan indocumenta ariba nos isla.
Ela bira manera algo masha “normal” mes, siendo cu esaki ta algo castigabel.
Tin biaha esun cu comete e hit and run su vehiculo no tin ningun sorto di seguro, y con e ora ?
