Korsou a conoce su prome caso di asesinato pa 2020
Willemstad, Korsou:Djadumingu 5 di yanüari 2020 alrededor di 06.20’or, Sentral di Polis a risibí informashon ku na un establesimentu di dibertishon riba F.D. Rooseveltweg, tin un kaso di tiramentu i ku tin un hòmber gravemente heridá.
Mesora a dirigí algun unidat na e sitio i na yegada di e promé unidat, el a topa ku un hòmber drumi abou den situashon kritiko dilanti di porta di un negoshi ku diferente herida di bala rònt di su kurpa. A pidi presensia di ambulans, pero na yegada, no por a hasi nada mas pa e víktima.
Dòkter di polis ku tambe a yega na e sitio, a konstatá morto di e hòmber Richentley Bernardus, nase na Kòrsou dia 7 di yanüari 1996. For di investigashon preliminar a sali na kla ku algun homber tabatin diskushon ku otro den e establesimentu i dado momentu un di nan a saka un arma di kandela i los tirunan dirigí riba e víktima. Riba òrdu di fiskal di Ministerio Públiko a konfiská e kurpa, pa mas investigashon.