Home International Dama coriendo riba highway cu su pareha wanta riba hood di su...

Dama coriendo riba highway cu su pareha wanta riba hood di su auto

SHARE

Na Alemania un muher a keda deteni despues di tabata core ariba Highway cu su homber wanta riba e hood di su auto.

Mönchengladbach, Alemania: Diabierna laat den oranan di anochi, un homber di 53 aña tabata wanta duro riba e hood di auto. Na momento cu su muher di 51 aña, tabata tras di stuur y a subi riba e Highway A61, coriendo cu velocidad hopi halto.

Varios persona cu tabata riba caminda a mira esaki y a bati alarma. E muher tabata coriendo cu velocidad hopi halto riba e Highway.

Na dado momento e victima no por a wanta mas y a sali cay for di riba e hood di auto. E muher tras di stuur no a ni worry pa para pa mira kiko por a pasa su homber, ela sigui core, pero asina mes polis a logra para e auto y detene e muher.

E homber a keda seriamente herida benta riba e vluchtstrook canto di caminda. Polis y ambulance a presenta na e sitio y ela wordo transporta cu urgencia pa un hospital na Krefeld.

Diasabra e muher a wordo voorgeleid y e ta wordo sospecha di intento di asesinato. Segun polis di Mönchengladbach Aparentemente e pareha lo a pleita prome cu e incidente.